Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 124 Hüküm no: 114 Orijinal metin no: [22a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cezerî Kasım Paşa Vakfı’nın nâzırı Fethullah Bey b. Lütfullah görevini yapamadığından yerine Mehmed Efendi b. Abdi’nin nâzır olduğu Medîne-i Hazret-i Ebâ Eyyûb el-Ensârî -dâme fî rıdvâni’l-Bârî-’de merhûm Cezerî Kasım Paşa Vakfı’nın nâzırı ve evlâdından olup vilâyet-i Rumeli’nde mahrûse-i Selânik mahallâtından Ayasofya mahallesi sükkânından olan fahrü’l-eşbâh Fethullah Bey b. Lütfullah nâm kimesne meclis-i şer‘-i hatîr-i lâzımü’t-tevkīrde işbu hâmilü’l-kitâb Mehmed Efendi b. Abdi nâm kimesne mahzarında takrîr-i kelâm edip ceddim merhûm-ı mezbûrun vakfının ben meşrûtiyet üzre nâzırı olup âhar diyârda sâkin olmağla hizmet-i nezâreti edâya iktidârım olmadığı ecilden mezbûr Mehmed Efendi dahi hizmet-i merkūme[yi] kabûl ve merâsimini edâya ta‘ahhüd ve iltizâm etmeğin mâ hüve’l-vâki‘ bi’t-taleb ketb olundu. Fi’l-yevmi’l-âşir min Şevvâli’l-mükerrem li sene hamsin ve sittîn ve elf. Şuhûdü’l-hâl: Mehmed Çelebi b. Mehmed eş-şehîr bi Arabzâde, Mehmed Efendi b. Abdi el-Hatîb, Alemüddîn Efendi b. Süleyman el-İmâm, Mustafa Çelebi b. Yusuf, Mehmed Halîfe b. Mustafa el-Müezzin, Abdullah Beşe b. İskender, Dilâver Beşe b. Abdullah ve gayruhüm [Derkenâr] Bu hüccetde olan hak? ve tebdîl bu fakīr ma‘rifetiyledir gaflet olunmaya (mühür)