Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 287 Hüküm no: 332 Orijinal metin no: [68a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed’in Hasan adlı kişideki alacağının tahsiline dâir buyruldu Fi’l-vâki‘ itâ‘at-i şer‘ eylemezse izn-i şer‘le evi mühürlene deyû buyruldu. Sa‘âdetlü ve mürüvvetlü sultânım hazretleri sağ olsun, Eyüp sâkinlerinden Hasan nâm kimesnede elli altı bin iki yüz akçe hakkım olup dört senedir ki vermekde te‘allül ve inâd eder dört-beş def‘adır ki buyruldu-yı şerîf ve mübâşir kulları ile varagele bîzâr olduk evinin içinde oturur bir vechile şer‘-i şerîfe çıkmaz elinde âciz ve fürûmânde kaldım sa‘âdetlü sultânımdan mercûdur ki zamân-ı adâletinizde bu def‘a dahi itâ‘at etmezse izn-i şer‘le hânesi mühürlenmesi bâbında buyruldu-yı şerîf ricâ olunur fermân sultânımındır. Bende Mehmed Selânik