Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 288 Hüküm no: 335 Orijinal metin no: [68a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ulûfesi kesilen Ahmed’in Seydi Pîrî Tekkesi’ne zâviyenişîn olarak tayin edildiğine dâir berât sureti Sulehâdan Ahmed südde-i sa‘âdetime arzuhâl sunup bundan akdem yevmî on dört akçe ulûfeye mutasarrıf iken ulûfesi kat‘ olunup kendiye gadr olunmağla inâyet ricâ edip vech-i meşrûh üzre berât-ı şerîf verilmek fermân-ı âlîşânım olmağın işbu dârende-i fermân-ı hümâyûn-ı meserret-makrûn-ı Hâkānî mezbûr Ahmed mahal ve müstehık olmağın hakkında mezîd-i inâyet zuhûra getirip Edirnekapısı hâricinde merhûm Seydi Pîrî Tekyesi Zâviyesi’nde kendi arzuhâli ve sûret-i ru’ûs-ı hümâyûnum mûcebince bin altmış beş Recebi’nin yirmi ikinci gününden vazîfe-i lâzımesiyle zâviyenişîn olmak üzre bu berât-ı hümâyûnu verdim ve buyurdum ki varıp vech-i meşrûh [üzre] bundan akdem zâviyenişîn olanlar ne vechile mutasarrıf ola gelmiş [ise] mezbûr dahi ol vechile mutasarrıf ola ol bâbda âhardan bir ferd mâni‘ ve dâfi‘ olmaya şöyle bileler alâmet-i şerîfe i‘timâd kılalar. Tahrîren fi’l-yevmi’t-tâsi‘ ve’l-ışrîn şehri Recebü’l-mürecceb sene hamsin ve sittîn ve elf. Be makām-ı Kostantıniyyetü’l-mahmiyye Vasale ileynâ fî gurreti Şa‘bâni’l-mu‘azzam li sene hamsin ve sittîn ve elf.