Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 294 Hüküm no: 342 Orijinal metin no: [70a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin’in Eyüp’teki bahçe bostancılarına kethüdâ tayin edildiğine dâir berât İşbu râfi‘-i tevkī‘-i refî‘ü’ş-şân-ı hâkānî Hüseyin südde-i sa‘âdetime gelip medîne-i Hazret-i Eyyûb-i Ensârî’de vâki‘ bahçe bostancılarına kethüdâ ta‘yîn olunup kıbel-i şer‘den hüccet-i şer‘iyye verilmekle mûcebince berât-ı şerîfim verilmek bâbında inâyet ricâ etmeğin tevcîh edip işbu berât-ı izzet-makrûnu verdim ve buyurdum ki mezbûr varıp ba‘de’l-yevm tâ’ife-i mezbûreye olageldiği üzre kethüdâları olup hizmet-i lâzımesin bî-kusûr mer‘î ve mü’eddâ kıldıkdan sonra kadîmden kethüdâ olanlar ne vechile mutasarrıf olagelmişler ise bu dahi ol minvâl üzre mutasarrıf olup âhardan bir ferd dahl ü ta‘arruz kılmayalar şöyle bileler alâmet-i şerîfe i‘timâd kılalar. Tahrîren fî evâsıtı şehri Rebî‘ulâhir li sene selâsün ve sittîn ve elf. Be makām-ı Kostantıniyyetü’l-mahrûse