Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 59 Hüküm no: 19 Orijinal metin no: [5a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hırsızlıktan yakalananların mahkemeye sevkedilmeleri gerektiği Fazîletlü Üsküdar ve Galata ve Eyüb Efendiler hazretleri serika ile tutulan sârıkları subaşılara teslîm edip birkaç günden sonra ıtlâk ettirildiği istimâ‘ olundu imdi gerekdir ki bundan böyle sirkat ile ahz olunan sârıkların şer‘le ahvâlleri görülüp hüccet olundukdan sonra subaşılara huzûruma getirmek için muhkem tenbîh ve te’kîd edip huzûruma gelmeden ıtlâk olunduğu istimâ‘ olunursa, subaşıların haklarından gelindiğinden gayrı sizin dahi özrünüz istimâ‘ olunmak ihtimâli yokdur deyû buyruldu. Vasale ileynâ fî 14 min Zilka‘deti’ş-şerîfe sene 1072.