Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 62 Hüküm no: 22 Orijinal metin no: [5b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gümrüğe bağlı Hâslar subaşılığı görevinin Solak Hasan Beşe’ye verilmesi Vech-i tahrîr-i hurûf budur ki uhdemizde olan gümrük mülhakātından Hâslar-ı kebîr subaşılığı ve subaşılığına müte‘allik cürm ü cinâyet ve bâd-ı havâ ve yava ve kaçgun ve müjdegâne-i kul ve câriye ve beytülmâl-i âmme ve hâssa ve sâir emvâli? tahsîli işbu bin yetmiş iki senesi Şevvâli’l-mükerremi’nin onuncu gün dârende-i temessük Solak Hasan Beşe’ye ber vech-i emânet tefvîz ve sipâriş olunup mezbûr Hasan Beşe târih-i mesfûrda subaşılığı minvâl-i meşrûh üzre zabt u rabt ve vâki‘ olan mahsûlâtı ahz ü kabz edip taraf-ı âhardan kimesne mâni‘ olmaya ve âhardan kimesne müdâhale etmemek için işbu temessük tahrîr olunup yedine vaz‘ ve teslîm olunmuşdur. Tahrîren fi’t-târihi’l-mezbûr. Mustafa emîn-i gümrük hâlâ.