Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 73 Hüküm no: 37 Orijinal metin no: [8b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Küçük Hâslar subaşılığının Mehmed Beşe’ye verilmesi Vasale ileynâ fi’l-yevmi’t-tâsi‘ aşer min Recebi’l-mürecceb. Vech-i tahrîr-i hurûf budur ki uhdemizde olan gümrük mülhakātından li sene isneteyn ve seb‘în ve elf Edirnekapısı hâricinde vâki‘ Küçük Hâslar subaşılığı işbu bin yetmiş iki senesi Şa‘bânü’l-mu‘azzamı gurresinde beher mâh biner akçe vermek şartı üzre dârende-i temessük Mehmed Beşe’ye deruhde olunup üç aylık maktû‘u üç bin akçeyi ber vech-i peşîn alıp mezbûr mukāta‘a-i merkūmu mu‘tâd-ı kadîm üzre zabt u rabt edip taraf-ı âhardan kimesne müdâhale ve mu‘âraza ve münâza‘a etmemek için işbu temessük tahrîr olunup yedine vaz‘ ve teslîm olunmuşdur. Tahrîren fi’t-târihi’l-mezbûr. El-muharrir Ahmed Ağa.