Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 243 Hüküm no: 246 Orijinal metin no: [54a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dursun Beşe b. Cafer’in bir miktar parasını Mehmed Bey b. Receb Beşe’ye hibe etmesi Mahmiye-i İstanbul’da Sultan Selim mahallesinde sâkin Dursun Beşe b. Cafer meclis-i şer‘de sâhibü’l-kitâb Mehmed Bey b. Receb Ser-mehterân-ı Hazret-i Osman Paşa mahzarında ikrâr eder ki emlâkimden bin fıddî nakd-i râyic fi’l-vakt akçe mezbûr Mehmed Bey’e hibe-i sahîha-i şer‘iyye ile hibe ve temlîk ve teslîm eylediğimde ol dahi meclis-i hibede ittihâb ve temellük ve tesellüm ve kabz ve kabûl ve bana bir münakkaş makrama ivaz verip ben dahi ivazan ani’l-hîbe mârrü’z-zikr makramayi alıp kabz eyledim ba‘de’l-yevm meblağ-ı mezbûr merkūm Mehmed Bey’in mülk-i mevhûbudur. Keyfe mâ yeşâ’ mutasarrıf olsun dedikde gıbbe’t-tasdîki’l-mu‘teber hâkim-i muvakki‘-i sadr-ı kitâb kıbelinden hüccet-i hibe-i mezkûreye hükm birle mâ cerâ kayd şüd. Fî 20 Şevvâl sene 1072. Şuhûdü’l-hâl. Muharrirü’l-hurûf Sâlih Mehmed Efendi b. Mehmed el-Kâtib, Receb Bey Kethüdâ, Mehmed Çelebi b. Musli, Hüseyin Muhzır, Mehmed b. Mahmud, Mustafa Çelebi el-Attâr, İbrahim sâkin-i Eyüb, Himmet Efendi nâib-i recül ve gayruhüm.