Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 310 Hüküm no: 318 Orijinal metin no: [70a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Marziye bt. Sinan’ın muhâlaa yoluyla boşandığı Medîne-i Hazret-i Ebâ Eyyûb el-Ensârî mahallâtından Câmi‘-i Kebîr mahallesinde sâkine olan Marziye bt. Sinan nâm hâtun meclis-i şerî‘at-ı şerîfe-i garrâ ve mahfil-i tarîkat-i refî‘a-i zehrâda -sânehallâhu te‘âlâ ani’l-be’sâi ve’d-darrâi- hâzıre olup hâmil-i hâze’l-kitâb Şaban b. Mehmed nâm zevci ile muhâla‘a yaptı. Zevc-i mezbûr da nikâhında ta‘ahhüd ettiği râyicü’l-vakt dört bin akçe-i Osmânî mehr-i müecceli, beynlerinde mu‘ayyen ve mukadder iddet nafakası ve me’ûnet-i süknâsı zevcesi üzerine olmak üzre zevce-i merkūme ile muhâla‘a yaptı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâyı bertaraf edecek şekilde ibrâ etti. Cerâ zâlike ve hurrire fi’l-yevmi’t-tâsi‘ min Zilka‘de eş-şerîfe sene isneteyn ve seb‘în ve elf. Şuhûdü’l-hâl: Hüseyin Dede b. Şaban, Mehmed Çelebi b. Ali, Hüseyin Beşe b. Mehmed, muhzır Hasan ve gayruhüm mine’l-hâzırîn