Eyüb Mahkemesi (Havass-ı Refia) 74 Numaralı Sicil (H. 1072 - 1073 / M. 1661 - 1662) cilt: 28, sayfa: 348 Hüküm no: 361 Orijinal metin no: [79b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sakine bt. Mehmed’in eski kocası Mustafa Beşe’nin zimmetini ibrâ etmesi Medîne-i Hazret-i Ebâ Eyyûb el-Ensârî -dâme fî rıdvâni’l-Bârî-’de Nişancı Paşa mahallesinde sâkine Sâkine bt. Mehmed nâm hâtun meclis-i şer‘de sâbıka zevci olan bâ‘isü’l-kitâb Mustafa Beşe b. Mehmed mahzarında bi tav‘ihâ ikrâr ve takrîr-i kelâm edip mezbûr Mustafa Beşe bundan akdem zevcim [olup] beynimizde hüsn-i zindegâne olmamağla beni tatlîk etmeğin zimmetinde mütekarrir olan ma‘lûmetü’l-mikdâr mehr-i müecceli ve nafaka-i iddet-i mu‘ayyenesi me’ûnet-i süknâ ve hîn-i zevciyyetde beynimizde vâki‘ olan ahz u i‘tâ ve mu‘âmelât-ı şettâ hâlâ hesâb ve kitâb olunup tamamen zevc-i mutallıkım mezbûr yedinden alıp kabz edip ancak zevc-i mutallıkım mezbûr zimmetinde cihet-i deyn-i şer‘îden üç yüz otuz akçe hakkım kalmışdır meblağ-ı mezbûrdan mâ‘adâ cemî‘ de‘âvî ve mütâlebâtdan zevc-i sâbıkım mezbûr Mustafa Beşe’nin zimmetini ibrâ eyledim deyicek gıbbe’t-tasdîki’l-mu‘teber mâ cerâ kayd şüd. Fi’l-yevmi’t-tâsi‘ aşer min Zilhicceti’ş-şerîfe li sene isneteyn ve seb‘în ve elf. Şuhûdü’l-hâl: Eyüb Çelebi b. Mehmed, Sâlih Mehmed Efendi b. Mehmed, Hüseyin Muhzır, Hasan muhzır ve gayruhüm mine’l-hâzırîn.