Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 63 Hüküm no: 37 Orijinal metin no: [9a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Mehmed’in Hasan Çelebi b. Mehmed’e olan borcunu ödemesi Medîne-i Hazret-i Ebâ Eyyûb el-Ensârî -dâme fî rıdvâni’l-Bârî-de Kasım Paşa mahallesinde sâkine râfi‘ü’l-kitâb Hasan Çelebi b. Mehmed meclis-i şer‘-i şerîfde Mehmed b. Mehmed mahzarında üzerine da‘vâ ve takrîr-i kelâm edip mezbûr Mehmed zimmetinde cihet-i deyn-i şer‘îden dört bin sekiz yüz kırk akçe hakkım olup taleb eylediğimde teslîmden imtinâ‘ eder hâlâ suâl olunup alıverilmesi matlûbumdur dedikde gıbbe’s-suâl mezbûr Mehmed cevâbında fi’l-vâki‘ müdde‘î-i mezbûr Hüseyin Çelebi’ye zimmetimde cihet-i deyn-i şer‘îden dört bin sekiz yüz kırk akçe lâzımü’l-edâ ve vâcibü’l-kazâ deynim vardır deyû bi tav‘ihî ikrâr ve i‘tirâf etmeğin alâ mûceb-i i‘tirâfihî meblağ-ı mezbûr dört bin sekiz yüz kırk akçeyi müdde‘î-i mezbûra edâya, teslîme mezbûr Mehmed’e tenbîh birle. Fî 28 Şa‘bân sene 1081. Şuhûdü’l-hâl: Mehmed b. Mahmud, Hüseyin Çelebi b. Ali, Ali b. Abdullah, Hüseyin b. Hasan.