Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 69 Hüküm no: 46 Orijinal metin no: [11a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Köy halkını huzursuz eden Yorgaki’nin sürgün edilmesi talebi Vilâyet-i Rumeli’de cezîre-i Mora’da Mizistre kazâsına tâbi‘ Longanide nâm karye zimmîlerinden Yani v. Nikite ve diğer Yani v. Romani ve Yorgi v. Nikite ve Yani v. Polihroni ve Nikite v. Todori ve Kiryazi v. Polihroni ve Yorgi v. Trandafilo ve Nikite v. Toromani ve Polihroni v. Polihroni ve Dimitri v. Yanaki ve Yani v. Dimitraki v. Yorgi ve Panayot v. Frendilo ve Latiro v. Yani ve Kostantin v. Dimitri ve sâirleri meclis-i şer‘-i hatîrde her biri takrîr-i kelâm ve ifâde-i merâm edip yine karye-i mezbûre zimmîlerinden gāib ani’l-meclis Yorgaki v. Panayot her bâr ki zevcelerimiz ve sâir ehl-i iyâlimiz suya ve gayri mesâlihe gideler merkūm Yorgaki yollarına inip her birine fi‘l-i şenî‘ kasdına, nice dürlü ezâ ve cefâ eylediğinden nâşî cümlemiz meclis-i şer‘de merkūm[u] karye-i mezbûreden ihrâc ettirmek için takrîrlerimiz tahrîr ve sicil ve hüccet ettirmişdik el-hâletü hâzihî merkūm zimmîden husûs-ı mezbûru da‘vâ ve mûcibini icrâ etmek için tarafımızdan cümlemiz işbu hâmil-i vesîka Todori v. Nikola nâm zimmîyi vekîl ve nâib nasb [ve] ta‘yîn eyledik dediklerinde merkūm Todori dahi vekâlet-i mezbûreyi kabûl ve hizmet-i lâzımesini edâya ta‘ahhüd ve iltizâm etmeğin kayd şud. Fî selh-i Şa‘bân sene 1081. Şuhûdü’l-hâl: Es-Sâbikūn.