Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 69 Hüküm no: 47 Orijinal metin no: [11a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Kalender’in Dilaver b. Abdullah’a mülk satışı Medîne-i Ebâ Eyyûb’da Fethi Çelebi mahallesinde sâkin Mehmed b. Kalender nâm kimesne meclis-i şer‘de işbu râfi‘ü’l-kitâb Dilaver b. Abdullah mahzarında ikrâr ve i‘tirâf edip âti’z-zikrin sudûruna değin silk-i mülk-i sahîhimde münselik emlâkimden mahalle-i mezbûrede vâki‘ üç tarafı Mustafa Ağa Vakfı’na muttasıl, bir tarafı ba‘zan Pâyidar Hâtun mülküne ve bir tarafı ba‘zan tarîk-i hâs ile mahdûd bir bâb tahtânî oda ve bir sofa ve havluyu müştemil mülk menzilimi bi cümleti’t-tevâbi‘ ve’l-levâhık ve kâffeti’l-menâfi‘ ve’l-merâfık mezbûr Dilaver’e yedi bin üç yüz fıddî nakd-i râyic fi’l-vakt akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm ol dahi minvâl-i muharrer üzre iştirâ ve tesellüm ve kabz ve kabûl eyledikden sonra semeni olan mezbûrü’n-na‘t [yedi bin] üç yüz akçeyi müşterî-i merkūm Dilaver yedinden bi’t-tamâm ve’l-kemâl ahz u kabz eyledim ba‘de’l-yevm menzil-i mahdûd-ı mezkûrda benim alâka ve medhalim yoktur mezbûr Dilaver’in mülk-i müşterâsı olmuşdur Keyfe mâ yeşâ’ mutasarrıf olsun dedikde gıbbe’t-tasdîk kayd şud. Fî selh-i Şa‘bân sene 1081. Şuhûdü’l-hâl: Mehmed Efendi b. İbrahim el-İmâm, Ahmed Çelebi b. Receb el-Müezzin, Hasan Çelebi b. Mustafa, Abdülkādir Çelebi b. Hızır, Ahmed Çelebi b. Hüseyin, Kara Mehmed, Mustafa Çelebi Ahmed, İbrahim Beşe b. Ali, Hasan Beşe b. Veli, Mehmed b. Mahmud.