Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 70 Hüküm no: 49 Orijinal metin no: [11b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Avanos v. Toros’un Mehmed Çelebi b. Abdullah’a yaptığı deri satışından doğan alacağının tahsili talebi İşbu râfi‘ü’r-rakīm Avanos v. Toros nâm Ermeni meclis-i şer‘-i şerîfde debbâğ tâifesinden Mehmed Çelebi b. Abdullah mahzarında üzerine da‘vâ ve takrîr-i kelâm edip mezbûr Mehmed Çelebi zimmetinde beynimizde ma‘lûm sığır derileri bahâsından ba‘de küllî hesâb üç bin iki yüz fıddî râyic fi’l-vakt akçe hakkım vardır suâl olunup alıverilmesi matlûbumdur dedikde gıbbe’s-suâl mezbûr Mehmed Çelebi cevâbında fi’l-vâki‘ müdde‘î-i mezbûr Avanos’a beynimizde ma‘lûm sığır derileri bahâsından zimmetimde ba‘de küllî hesâb üç bin iki yüz fıddî râyic fi’l-vakt akçe lâzımü’l-edâ ve vâcibü’l-kazâ deynim vardır deyû bi tav‘ihî ikrâr ve i‘tirâf etmeğin alâ mûcebi ikrârihî meblağ-ı mezbûr üç bin iki yüz akçeyi müdde‘î-i mezbûra edâ ve teslîme mezbûr Mehmed Çelebi’ye iltizâm olunup mâ vaka‘a kayd şud. Fî 3 min Ramazân sene 1081. Şuhûdü’l-hâl: Hüseyin Çelebi [b.] Ali. Mehmed [b.] Eyüb, Mehmed [b.] Mahmud, Hüseyin [b.] Abdullah