.:: İstanbul Kadı Sicilleri ::.


Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671)
cilt: 29, sayfa: 79
Hüküm no: 64
Orijinal metin no: [14a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Dimo v. Kiryazi’nin kardeşi Yorgo’ya bağ satışı

Vilâyet-i Rumeli’nde Kerpiniş kazâsı a‘mâlinden Veter nâm karye zimmîlerinden Dimo v. Kiryazi nâm râhib meclis-i şer‘de işbu râfi‘ü’l-vesîka li eb ve üm karındaşı Yorgo v. Kiryazi muvâcehesinde ikrâr ve takrîr-i kelâm edip akd-i âti’z-zikrin sudûruna değin silk-i mülk-i sahîhimde münselik emlâkimden karye-i mezbûre sınırı dâhilinde etrâf-ı selâsesi vâdî taraf-ı râbi‘i orman ile mahdûd bir kıt‘a mülk bağımı içinde mevcûd eşcâr-ı müsmire ve sâir tevâbi‘i ile karındaşım merkūm Yorgo’ya sekiz bin yedi yüz fıddî nakid râyic fi’l-vakt akçeye tarafeynden îcâb ve kabûlü hâvî bey‘-i bâtt-ı şer‘î ile bey‘ ol dahi minvâl-i muharrer üzre iştirâ ve kabûl edip semeni olan mezbûrü’n-na‘t sekiz bin yedi yüz akçeyi karındaşım müşterî-i mezbûr Yorgo yedinden alıp kabz edip bağ-ı mezbûru mahallinde ahz u kabza ve zabt ve tasarrufa taslît eyledim dedikde gıbbe’t-tasdîk kayd şud. Fî 10 min Ramazân sene 1081.


Şuhûdü’l-hâl: Kirko v. Yorgo, Yorgo v. Dimo, diğer Yorgo v. Dimo, Mihal v. Yani, Yani v. Dimo.