.:: İstanbul Kadı Sicilleri ::.


Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671)
cilt: 29, sayfa: 97
Hüküm no: 94
Orijinal metin no: [19b-2, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Emine bt. İbrahim’in muhâlaa yoluyla boşandığı

Medîne-i Hazreti Ebî Eyyûb-i Ensârî mahallâtından Çavuş Kasım mahallesinde sâkine olan Emine bt. İbrahim nâm hâtun, meclis-i şer‘-i şerîf ve mahfil-i dîn-i münîfde hâzıra olup, hâmil-i hâze’l-kitâb Mehmed b. Mehmed nâm zevci ile muhâla‘a yaptı. Zevc-i mezbûr da nikâhı esnâsında ta‘ahhüd ettiği râyicü’l-vakt altı bin beş yüz akçe mehr-i müecceli, aralarında ma‘lûm ve mu‘ayyen olan iddet nafakası ve me’ûnet-i süknâsı mukābilinde zevce-i mezkûre ile muhâla‘a yaptı. Zevce-i mesfûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâttan umûmen, zevciyyetle alâkalı da‘vâdan husûsan yek diğerinin zimmetini ibrâ-i âm ile husûmet ve nizâyı bertaraf edicek şekilde ibrâ etti. Cerâ zâlike ve hurrira fî 7 min Şevvâli’l-mükerrem sene [10]81.


Şuhûdü’l-hâl: Mehmed b. Eyüb, Mehmed b. Mahmud, Hüseyin Çelebi b. Ali, Hüseyin Çelebi b. Hasan, Hasan b. Abdullah ve gayruhüm mine’l-hâzırîn