Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 128 Hüküm no: 141 Orijinal metin no: [27b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hıristo v. Yani’nin Eyüp Sultan vakıflarına îrâd kaydedilen metrûkâtının mirasçısına iadesi Fi’l-asl vilâyet-i Rumeli’nde Yenişehir kazâsına tâbi‘ Platomana nâhiyesi muzâfâtından Anbelâki nâm karye zimmîlerinden olup medîne-i Hazret-i Ebâ Eyyûb el-Ensârî’de vâki‘ debbâğhânede mütemekkin olan Hıristo v. Yani nâm zimmî meclis-i şer‘de medîne-i mezbûrede vâki‘ beytülmâl-i âmme ve hâssa-i hazret-i müşârun-ileyh evkāfına bi’l-fi‘l evkāf-ı mezbûre mütevellîsi Ali Ağa’nın vekîl-i şer‘îsi ve berât-ı şerîf ile beytülmâl emîni olan sâhibü’l-kitâb Ahmed Çelebi b. Mehmed mahzarında ikrâr ve i‘tirâf edip karye-i mezbûreden olup merkūm kayıkçı iken bundan akdem mürd olan Yani v. Kosta nâm zimmînin vâlidesi Zafira bt. Kosta benim babam Yani ile li eb karındaşlar olmağla hâlik-i mezbûrun zi-rahm [cihetinden] bi’l-inhisâr vârisi iken emîn-i merkūm hâlik-i mezbûrun vâris-i ma‘rûfu olmamak zu‘muyla mecmû‘ metrûkâta vâzı‘ü’l-yedi olmağla ben verâsetimi [hâkim-i] muvakki‘-i sadr-ı kitâb -tûbâ lehû ve hüsnü me’âb- hazretleri indinde emîn-i merkūm vaz‘-ı yed eylediği metrûkâtı ber mûceb-i defter bana teslîme tenbîh.