Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 147 Hüküm no: 170 Orijinal metin no: [33a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kesri (Kesriyye)’de Duka v. Niko’nun Kigo ve Kosya adlı kişilere bağ satışı Vilâyet-i Rumeli’nde Ergirikasrı kazâsına tâbi‘ Seferyat nâm karyede ahâlîsinden Duka v. Niko nâm zimmî meclis-i şer‘de sâhibeyi’r-rakīm kendi tarafından asîl ve karındaşı Kigo tarafından tasdîka vekîl olup nehc-i şer‘î üzre şer‘an vekâleti sâbite olan Marko v. Kiro nâm zimmî muvâcehesinde ikrâr ve i‘tirâf edip akd-i âti’z-zikrin sudûruna değin silk-i mülk-i sahîhimde münselik emlâkimden karye-i mezbûrede vâki‘ bir tarafı yine kendinin âhar bağı ve bir tarafı Martola bağı ve bir tarafı müşteriyân-ı mezbûrân bostanı ve bir tarafı Fene bağı ile mahdûd tahmînen iki çapalık mülk bağımı eşcâr-ı müsmiresiyle müvekkil-i mezbûr Kigo ile mezbûretân Marko’ya ale’l-iştirâki’s-seviy bin sekiz yüz fıddî râyic fi’l-vakt akçeye bey‘ edip onlar dahi ale’l-iştirâk-i seviy iştirâ ve kabûl eyledikden sonra semeni olan meblağ-ı mezbûr bin sekiz yüz akçeyi yedinden ahz u kabz eyledim zikr olunan bağımı mahallinde zabt ve tasarrufa taslît eyledim dedikde gıbbe’t-tasdîk [kayd şud]. Fî 3 min Zilka‘de sene [10]81. Şuhûdü’l-hâl: Mehmed b. Mahmud, Hasan b. Abdullah, Hüseyin b. Ali, Hüseyin b. Münir.