Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 155 Hüküm no: 183 Orijinal metin no: [34b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa’nın diğer Mustafa’ya borç karşılığı rehin edip iade edilmeyen eşyasının tazmini Eb[î] Eyyûb el-Ensârî[’de] Süleymaniye mahallesi sâkinlerinden işbu sâhibü’l-kitâb mahfil-i kazâda Mustafa b. [şâbb-ı] emred mahzarında üzerine takrîr-i da‘vâ [edip târih-i] kitâbdan yirmi gün mukaddem mezbûr Mustafa’dan akçe istikrâz ve kabz edip ol dahi ikrâz ve yedimden bir siyah kılıç, altı zirâ‘ bürünceği ve bir sîm çengel ve bir tek küpe ve balık dişi saplı bir sîm hançer mezbûr Mustafa yedine [rehnen teslîm] ol dahi irtihân ve tesellüm edip hâlâ zikr olunan beş yüz altmış akçeyi mezbûra teslîm ve rehini kabz murâd eylediğimde merkūm Mustafa rihân-ı mezbûreyi bana teslîmden imtinâ‘ eder suâl olunsun deyicek gıbbe’s-suâl mezbûr Mustafa cevâbında fi’l-vâki‘ hâl, müdde‘î-i mezbûrun bast eylediği minvâl üzre olmuşidi lâkin sâlifü’z-zikr kılıcı yüz seksen akçeye ve bürünceği yüz yirmi akçeye ve kuşağı dahi yüz yirmi akçeye ve küpeyi dahi kezâlik yüz yirmi akçeye ve bir hançeri dahi üç yüz otuz beş akçeye âhara bey‘le setr-i emlâk eylemişdir deyû bi tav‘ihî ikrâr ve i‘tirâf etmeğin alâ mûceb-i ikrârihî zikr olunan rihânın mevcûdü’l-ayn olanını aynıyla müstehlek kıymet-i şer‘iyyesini müdde‘î-i mezbûra edâ ve teslîme merkūm Mustafa’ya tenbîh birle kayd şud. Fî 24 min Zilka‘de sene [10]81. Şuhûdü’l-hâl: Ali b. Abdullah, Mehmed b. Mahmud, Mehmed b. Derviş, Ahmed Beşe Çukadâr, Hüseyin b. Ali, Dilaver el-muhzır.