Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 174 Hüküm no: 209 Orijinal metin no: [39b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Terkos’ta bulunan Fâtih Sultan Mehmed vakıfları mukâtaasının Mahmud Çelebi’ye havale olunduğu Bin seksen bir senesine mahsûb olmak üzre merhûm ve mağfûrun-leh Sultan Mehmed -tâbe serâhu- evkāfından Terkos’da mukāta‘ası hâlen der-uhdemizde olup bir sene tamâmına değin zabt olunan tarafımızdan bizim fahrü’s-sâdât es-Seyyid Mahmud Çelebi’yi vekîl nasb ve ta‘yîn olunmuşdur. Siz ki mukāta‘a-i mezkûre ahâlîlerisiz mezbûr es-Seyyid Mahmud Çelebi vardıkda üzerinize zâbit bilip ba‘de’s-sübût vâki‘ olan hukūkāt ve rüsûmât ve resm-i cinâyet, mâl-ı mefkūda, bâd-ı hevâ, beytülmâl ve hâssa bir karyeden bir karyeye firâr eden, vâki‘ olan yava kadîmü’l-eyyâmdan zabt edenler ne minvâl üzre zabt u bast edegelmişler ise mezbûr es-Seyyid Mahmud Çelebi dahi ol minvâl üzre zabt ve rabt edip ferden mine’l-efrâd kimesne dahl ve ta‘arruz etmeyeler bâbında işbu defter yedine vaz‘ olundu vakt-i hâcette ihticâc eyleyesiz. 8 Zilka‘de sene [10]81. el-Fakîr an ağa-yı Emin Beşe b. Hüseyin. Vasale ileynâ fî 8 Zilka‘de sene 1081.