Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 174 Hüküm no: 210 Orijinal metin no: [40a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Eyüp Sultan Vakfı’na ait bazı gelirlerin tahsilini Hacı Hüseyin b. Mustafa’nın üzerine aldığı Vech-i tahrîr-i hurûf oldur ki Civâr-ı Kostantıniyye’de âsûde olan medîne-i Hazret-i Ebâ Eyyûb el-Ensârî -aleyhi rahmeti’l-Bârî- hazretlerinin evkāf-ı şerîfeleri mahsûlâtından olup medîne-i mezbûrenin ihtisâbı ve resm-i kantâriyesi ve bâc ve bâzârı ve ihtisâba müte‘allik cüz’î ve küllî mahsûlâtı hatt-ı hümâyûn-ı sa‘âdet makrûnuyla vakf-ı şerîfe hâsıl kayd olunmağın işbu bin seksen bir Mart’ı ibtidâsından bir sene tamâmına değin işbu hâzihi’l-hurûf Hacı Hüseyin b. Mustafa nâm kimesne tâlib ve râğıb olup maktû‘-ı kadîmî üzre senesi kırk bin altı yüz yirmi akçe olup tevliyyetim hasebiyle mezkûrların üzerine der-uhde olunup kısmet-i yevmiyesinde beher şehr taraf-ı vakf-ı şerîfe üçer bin üç yüzer seksen beşer akçe edâ ve teslîm ile tasarrufuna kimesne mâni‘ olmaya. Tahrîren fî gurre-i Zilka‘de sene 1081. el-Fakîr Hasan el-Mütevellî.