Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 335 Hüküm no: 381 Orijinal metin no: [52b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Çelebi b. el-Hâc Ali’nin, Sâime bt. el-Hâc Ali’den alacaklı olduğu Mahmiye-i İstanbul’da Sarı Bayezid mahallesi sükkânından İbrahim Çelebi b. el-Hâc Ali nâm kimesne meclis-i şer‘-i şerîf-i lâzımü’t-teşrîfde işbu bâ‘isetü’l-kitâb Sâime bt. el-Hâc Ali nâm hâtun mahzarında üzerine da‘vâ ve takrîr-i kelâm edip mezbûre Sâime Hâtun zimmetinde cihet-i karz-ı şer‘îden yirmi esedî guruş hakkım olup suâl olunup alıverilmesi matlûbumdur dedikde gıbbe’s-suâl mezbûre Sâime cevâbında fi’l-vâki‘ müdde‘î-i mezbûre vech-i meşrûh üzre zimmetimde yirmi esedî guruş lâzımü’l-edâ ve vâcibü’l-kazâ deynim vardır deyû bi tav‘ihâ ikrâr ve i‘tirâf etmeğin alâ mûcebi ikrârihâ meblağ-ı mezbûr yirmi esedî guruşu müdde‘î-i mezbûra edâ ve teslîme merkūme Sâime’ye ba‘de’t-tenbîh birle mâ vaka‘a bi’t-taleb ketb olundu. Fi’l-yevmi’s-sâbi‘ min Recebi’l-ferd li sene seb‘a ve seb‘în ve elf. Şuhûdü’l-hâl: Musa Beşe b. İbrahim, Hamza Beşe b. Mehmed, Ahmed Çelebi b. İbrahim, Ali Çelebi b. Mehmed, İbrahim Çelebi b. Mehmed, Şükrullah Bey b. Mustafa, Mustafa Çelebi b. Ahmed, Baba Resul b. Rıdvan ve gayruhüm mine’l-huzzâr.