Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 174 Hüküm no: 138 Orijinal metin no: [22b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Mustafa’nın miras hususunda Havva bt. Abdi’yi vekil tayin etmesi Havâss-ı Aliyye kazâsına tâbi‘ Ayapa nâm karyede sâkine Fâtıma bt. Mustafa nâm hâtun meclis-i şer‘de işbu râfi‘atü’l-vesîka Havva bt. Abdi nâm hâtun muvâcehesinde ikrâr ve takrîr-i kelâm edip karye-i mezbûrede sâkin li ebeveyn er karındaşı Ali nâm kimesne ile bundan akdem fevt olan babam mezbûr Mustafa’nın terekesinden benim hisse-i şer‘iyyeme isâbet eden hakkıma müte‘allika da‘vâ-yı şer‘iyyem olmağla mezbûr Ali’den taleb ve ahz ve kabza ve bana îsâle ve lede’l-hükkâmi’l-kirâm mürâfa‘a ve muhâsamaya ve kabz ve îsâl mütevakkıf olduğu umûrun küllîsine mezbûre Havva Hâtun’u tarafımdan vekîl ve nâib-i menâb nasb ve ta‘yîn eyledim dedikde ol dahi vekâlet-i mezbûreyi kabûl ve merâsimini edâya müte‘ahhid olmağın mâ vaka‘a bi’t-taleb kayd olundu. Fi’l-yevmi’l-hâmis ve’l-ışrîn min Şa‘bâni’l-mu‘azzam li sene tis‘în ve elf. Şuhûdü’l-hâl: Mehmed b. Eyüb, Mehmed b. Mahmud, Hüseyin b. Ali, Ali b. Abdullah, Hasan b. Abdullah.