|
Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 261 Hüküm no: 269 Orijinal metin no: [39b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Porofra bt. Yani’nin, evini İstefan v. Vergo’ya satması
Havâss-ı Aliyye kazâsı müzâfâtından Cuhûd Burgaz nâm karyede sâkine Porofra bt. Yani nâm Nasrâniyye meclis-i şer‘-i hatîr-i lâzımü’t-tevkīrde işbu râfi‘ü[’l-kitâb] İstefan v. Vergo nâm zimmî muvâcehesinde bi tav‘ihâ ikrâr-ı tâm ve takrîr-i kelâm edip akd-i âti’z-zikrin sudûruna değin silk-i mülkümde münselik olup karye-i mezbûrede vâki‘ bir tarafı Vergo mülkü ve bir tarafı Tenlo mülkü ve tarafeyni tarîk-i âm ile mahdûd iki fevkānî ve iki tahtânî odaları ve fırını ve havluyu müştemil menzilimi cemî‘ tevâbi‘ ve levâhıkıyla merkūm İstefan’a yetmiş kıt‘a esedî guruşa tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm edip ol dahi ber vech-i muharrer iştirâ ve tesellüm ve kabûl eyledim ba‘de’l-yevm sâlifü’z-zikr menzilde vechen mine’l-vücûh alâka ve medhalim kalmadı mersûm İstefan’ın mülk-i müşterâsı olmuşdur keyfe mâ yeşâ’ mutasarrıf olsun dedikde gıbbe’t-tasdîki’ş-şer‘î mâ vaka‘a kayd şüd. Fi’l-yevmi’l-hâmis aşer min Zilhicceti’ş-şerîfe sene [10]90.
Şuhûdü’l-hâl: Hasan b. Abdullah, Mehmed b. Mahmud, Ali b. Abdullah, Ebûbekir Kethüdâ-yı Abdülmennân.
|