|
Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 260 Hüküm no: 268 Orijinal metin no: [39a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Doşo v. Orat’ın tarlasının tasarruf hakkını, Velço v. Yorgo’ya devretmesi
Vilâyet-i Rumeli’nde İstarova kazâsına tâbi‘ Katraniçe nâm karyede sâkin Doşo v. Orat nâm zimmî meclis-i şer‘-i hatîr-i lâzımü’t-tevkīrde işbu râfi‘ü’l-kitâb Velço v. Yorgo nâm zimmî muvâcehesinde tav‘an ikrâr-ı tâm ve takrîr-i kelâm edip tefvîz-i âtî sudûruna değin taht-ı tasarrufumda olup karye-i mezbûre sınırı dâhilinde değirmen kurbunda vâki‘ bir tarafdan Basko nâm zimmî tarlası ve bir tarafdan Doşo nâm zimmî tarlası ve bir tarafdan Porolo nâm zimmî tarlası ve bir tarafdan sâlifü’z-zikr değirmen ve tarîk-i âm ile mahdûd ve tahmînen iki dönüm bir kıt‘a tarlamın hakk-ı tasarrufunu ma‘rifet-i sâhib-i arz ile mesfûr Doşo’ya altı bin akçe bedel mukābelesinde tefvîz ve ferâğ edip ol dahi ber vech-i muharrer tefevvuz ve kabûl eyleyip bedel-i ferâğım olan meblağ-ı mastûr altı bin akçeyi mersûm Doşo yedinden tamâmen ahz ve kabz eylediğimden sonra zikr olunan tarlayı mahallinde zabt ve tasarrufa mersûm Doşo’yu taslît eyledim dedikde gıbbe’t-tasdîki’ş-şer‘î mâ vaka‘a kayd şüd. Fî 15 min Zilhicceti’ş-şerîfe sene 1090.
Şuhûdü’l-hâl: es-Sâbikūn.
|