|
Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 264 Hüküm no: 274 Orijinal metin no: [40a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Matyaşko v. Mati’nin borcuna İvaz b. Abdülkerim’in kefil olması
Boğdan keferesinden Matyaşko v. Mati nâm zimmî meclis-i şer‘-i şerîfde medîne-i Hazret-i Ebâ Eyyûb-i Ensârî -radiye anhu Rabbühü’l-Bârî-’de Baba Haydar mahallesi sükkânından işbu râfi‘ü’l-kitâb fahrü’l-eşbâh Hasan Ağa b. Abdülmennân mahzarında tav‘an ikrâr-ı tâm ve takrîr-i kelâm edip mûmâ-ileyh Hasan Ağa’dan yüz kıt‘a esedî guruş istikrâz ve ahz ve kabz eyledim meblağ-ı mezbûr yüz guruş merkūm Hasan Ağa’ya zimmetimde lâzımü’l-edâ ve vâcibü’l-kazâ deynimdir dedikde gıbbe’t-tasdîki’ş-şer‘î mahrûse-i Galata’ya tâbi‘ kasaba-i Beşiktaş’da Sinan Paşa mahallesi ahâlîsinden İvaz b. Abdülkerim nâm kimesne mezbûr Hasan Ağa mahzarında takrîr-i kelâm edip meblağ-ı mezkûr yüz guruşa emr ve kabûlü hâviye kefâlet-i sahîha-i şer‘iyye ile kefîl ve zâmin oldum dedikde ba‘de’t-tasdîk ve’l-kabûl mâ cerâ bi’l-ibtigā ketb olundu. Fi’l-yevmi’t-tâsi‘ min Zilhicceti’ş-şerîfe li sene tis‘în ve elf.
Şuhûdü’l-hâl: Hızır Bey b. Ramazan, Kasım Beşe b. ( ), Abdi Beşe b. Ali, Kenan b. Abdullah ve gayruhüm.
|