|
Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 292 Hüküm no: 315 Orijinal metin no: [46b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Zehra Hatun Vakfı mütevellisi Mehmed b. Abdullah’ın vakfa borçlu olduğu
Medîne-i Hazret-i Ebâ Eyyûb el-Ensârî -radiye anhu Rabbühü’l-Bârî-’de vâki‘ merhûme Zühre Hâtun nâm sâhibetü’l-hayrın binâ eylediği mescid-i şerîfin nukūd-ı mevkūfesine bi’l-fi‘l mütevellî olan Mehmed b. Abdullah meclis-i şer‘-i hatîr-i lâzımü’t-tevkīrde mescid-i mezbûrun imâmı ve vakf-ı mezbûrun hasbî nâzırı olan işbu râfi‘ü’l-kitâb Mustafa Efendi b. Mehmed mahzarında bi’t-tevliyye takrîr-i kelâm ve ta‘bîr ani’l-merâm edip vakf-ı mezbûrun nukūdundan olup makbûzum olan doksan beş esedî guruşu rehn-i kavî ile nâssa zimem edip hâlâ asl-ı mâl-ı vakf-ı mezbûr olan meblağ-ı merkūm doksan beş esedî guruş zimmetimdedir deyû ikrâr ve i‘tirâf etmeğin mâ cerâ nâzır-ı mezbûr Mustafa Efendi talebiyle ketb ve imlâ olundu. Fi’l-yevmi’t-tâsi‘ min Saferi’l-hayr li sene ihdâ ve tis‘în ve elf.
Şuhûdü’l-hâl: Osman Çelebi b. Mehmed, Ramazan b. Hasan, Sâlih b. Abdullah, Mustafa b. Abdullah ve gayruhüm mine’l-hâzırîn.
|