|
Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 296 Hüküm no: 322 Orijinal metin no: [47b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Derviş Ağa b. Mehmed’in cariyesi Gülistan’ı azat etmesi
Havâss-ı Aliyye kazâsına tâbi‘ kasaba-i Hasköy mahallâtından Mahmud Ağa mahallesi sükkânından fahrü’l-akrân Derviş Ağa b. Mehmed meclis-i şer‘-i hatîr-i lâzımü’t-tevkīrde tav‘an ikrâr ve takrîr-i kelâm edip orta boylu açık kaşlı elâ gözlü Rûsiyyetü’l-asl Gülistan bt. Abdullah nâm câriye-i memlûkemi hasbeten lillâhi te‘âlâ li rûhi resûlihi’l-mu‘allâ cemî‘ malımdan ifrâz ve i‘tâk ve tahrîr edip sâir harâir-i asliyyâta idrâc ve ilhâk eyledim ba‘de’l-yevm mevsûfe-i mezbûre Gülistan sâir harâir-i asliyyât gibi hürre olup üzerinde hakk-ı velâdan gayrı hakkım kalmadı dedikde mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn mine’l-Muharremi’l-harâm li sene ihdâ ve tis‘în ve elf.
Şuhûdü’l-hâl: El-Hâc İbrahim Çelebi, Hüseyin Çelebi b. Ali, Mehmed b. Eyüb, Mehmed b. Mahmud, Ali b. Abdullah ve gayruhüm.
|