|
Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 297 Hüküm no: 324 Orijinal metin no: [47b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Kili bt. Dimo’nun bahçesini Dimitri v. Yani’ye satması
Mahmiye-i İstanbul hısnı ebvâbından Balatkapısı dâhilinde sâkine Kili bt. Dimo nâm nasrâniyyenin sulbî kebîr oğlu ve tarafından husûs-ı âti’l-beyâna sâbitü’l-vekâle vekîli olan Yorgi v. Panayot nâm zimmî meclis-i şer‘-i şerîfde işbu râfi‘ü’r-rakīm Dimitri v. Yani nâm nasrânî muvâcehesinde bi’l-vekâle ikrâr ve i‘tirâf edip anam müvekkilem merkūme Kili silk-i mülk-i sahîhinde münselik olup Havâss-ı Aliyye kazâsına tâbi‘ Terkos nâhiyesinde Yeniköy nâm karyede vâki‘ bir tarafı Mihal nâm zimmî bahçesi ve bir tarafı bozacı Polihroni bahçesi ve iki tarafı tarîk-i âm ile mahdûd eşcâr-ı müsmire ve gayr-ı müsmireyi hâvî mülk bahçemi, cemî‘ tevâbi‘ ve levâhıkı ile mezbûr Dimitri’ye üç yüz fıddî râyic fi’l-vakt akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve temlîk edip ol dahi minvâl-i muharrer üzre iştirâ ve temellük ve kabûl eyledikden sonra semeni olan meblağ-ı mezbûr üç yüz akçeyi mezbûr Dimitri yedinden bi’t-tamâm ahz ve kabz eyledim ba‘de’l-yevm zikr olunan bahçede vechen mine’l-vücûh alâka ve medhalim yokdur, mezbûr Dimitri’nin mülk-i müşterâsıdır keyfe mâ yeşâ’ mutasarrıf olsun dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’r-râbi‘ min Saferi’l-hayr li sene ihdâ ve tis‘în ve elf.
Şuhûdü’l-hâl: Hasan b. Abdullah, Mehmed b. Eyüb, Mehmed b. Mahmud, Ali b. Abdullah ve gayruhüm.
|