Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 527 Hüküm no: 658 Orijinal metin no: [100b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Caniki bt. Bedros’un terekesinden annesinin kendisine düşen payı aldığı Medîne-i Hazret-i Ebâ Eyyûb-i Ensârî -radiye anhu [Rabbühü]’l-Bârî-ye tâbi‘ kasaba-i Hasköy’de Abdüsselâm mahallesinde sâkinelerinden iken bundan akdem hâlike olan Caniki bt. Bedros nâm hâlikenin verâseti zevci Serkis v. Kazar nâm Ermeni ile anası Sare bt. Kalaylan nâm nasrâniyyeye ve sadrî sagīr oğlu Kazar’a münhasıra olduğu şer‘an zâhir ve müte‘ayyin oldukdan sonra merkūme Sare meclis-i şer‘-i şerîfde tereke-i hâlike-i mersûme Caniki’nin metrûkâtına vâzı‘ü’l-yed olup husûs-ı âti’l-beyâna asîl ve sagīr-i mezbûrun kıbel-i şer‘den mansûb vasîsi olan işbu râfi‘ü’r-rakīm mersûm Serkis muvâcehesinde bi tav‘ihâ ikrâr-ı tâm ve takrîr-i kelâm edip sadriye kızım hâlike-i merkūme Caniki’nin terekesine vâzı‘ü’l-yed olan zevci mesfûr Serkis yedinden bi’t-tamâm ve’l-kemâl ahz ve kabz eyledim ba‘de’l-yevm tereke-i hâlike-i merkūmeden südüs hisse-i şer‘iyyeme müte‘allik âmme-i de‘âvîden mersûm Serkis’in zimmetini ibrâ-i âmm-ı kātı‘ü’n-nizâ‘la ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’t-tâsi‘ min Şevvâli’l-mükerrem li sene ihdâ ve tis‘în ve elf. Şuhûdü’l-hâl: İstefanos [v.] Kazar, Abraham [v.] Kirkor, Safar [v.] Karabet, Ohambent [v.] Bedros.