Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 531 Hüküm no: 662 Orijinal metin no: [101b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgo v. Nano’nun Nikola v. Velço’da alacağını tahsil etmesi Vilâyet-i Rumeli’nde Bihlişte kazâsı’na tâbi‘ Koleşte nâm karye ahâlîsinden Yorgo v. Nano nâm zimmî meclis-i şerîfde işbu râfi‘ü’r-rakīm Nikola v. Velço nâm zimmî muvâcehesinde ikrâr ve i‘tirâf edip târih-i kitâbdan yedi sene mukaddem mezbûr Nikola zimmetinde her bir re’si seksen yedişer akçe olmak üzre on üç re’s koyun bahâsından cem‘an bin yüz otuz akçe ve beynimizde ma‘lûm ücretden dahi bin altı yüz yirmi beş akçe ki min haysi’l-mecmû‘ iki bin yedi yüz elli altı akçe hakkımı mezbûr Nikola yedinden bi’t-tamâm ve’l-kemâl ahz ve kabz eyledim min ba‘d zimmetinde bir akçe ve bir habbe hakkım bâkī kalmadı dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’l-hâmis aşer min Şevvâli’l-mükerrem fi’s-seneti’l-mezbûre. Şuhûdü’l-hâl: Oruc b. Veli, Hüseyin b. Ali, Mehmed b. Eyüb, Mehmed b. Mahmud, Elioğlu, Apostol [v.] Demi, Mitre [v.] Hristo, Bertaz [v.] ...?