Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 551 Hüküm no: 690 Orijinal metin no: [106a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Küçük Hâslar subaşılığının Süleyman Ağa’ya verilmesi Vech-i tahrîr-i hurûf budur ki uhdemizde olan İstanbul gümrüğün mülhakātından Edirnekapısı’nda vâki‘ Küçük Hâslar subaşılığı işbu bin doksan senesinin mâh-ı Şa‘bânı’nın yirmi birinci gününde ber vech-i emânet tarafımızdan işbu dârende-i temessük Süleyman Ağa’ya tefvîz ve sipâriş eylemişizdir gerekdir ki mezbûr varıp zikr olunan subaşılığı târih-i merkūmda kadîmden ne minvâl üzre zabt olunagelmiş ise mezbûr dahi minvâl-i meşrûh üzre zabt edip taraf-ı âhardan kimesne müdâhale etmemeğe yedine işbu zabt verildi. Tahrîren fi’t-târihi’l-mezbûr. Muhibbü’l-muhlis Emîn Hüseyin Ağa Vasale fi’l-yevmi’s-sâlis ve’l-ışrîn min Şa‘bâni’l-mu‘azzam sene [10]90.