Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 557 Hüküm no: 700 Orijinal metin no: [107b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Piyâle’nin satılıp bedeli karısı ve beytülmâle paylaştırılan terekesi Defter oldur ki medîne-i Hazret-i Ebâ Eyyûb-i Ensârî -radiye anhu Rabbühü’l-Bârî-’de el-Hâc Hüsrev mahallesinde sâkin iken bundan akdem fevt olan Mehmed b. Piyâle’nin [tereke]sinin rub‘u zevce-i metrûkesi Âişe bt. Halil ve selâse erbâ‘ı hazret-i müşârün-ileyh evkāfına âid olmağın zevce-i mezbûre ile evkāf-ı mezbûreye bi’l-fi‘l mütevellî olan fahrü’l-a‘yân Yusuf Ağa b. Mehmed’in taraflarından vekîl-i şer‘îsi olan Ahmed Çelebi b. Mehmed ma‘rifetleriyle bey‘ olunan eşyâ-i müteveffâ-yı mezbûrdur ki zikr olunur. Fi’l-yevmi’r-râbi‘ aşer min Şa‘bâni’l-mu‘azzam li sene tis‘în ve elf. Mahalle-i mezbûrede vâki‘ menzil 17500 akçe Tencere ma‘a kapak 100 akçe Kebîr tâbe 110 akçe Sagīr tâbe 40 akçe Hoşâb tası 60 akçe Sagīr güğüm 77 akçe Kevgir sahan 50 akçe Sagīr kazgan 360 akçe Bogasi kapama 245 akçe Köhne beylik ferâce 120 akçe Köhne dimi şalvar 44 akçe Mâî entari 56 akçe Köhne destar ve kavuk 18 akçe Kırmızı tiftik kuşak 43 akçe Köhne zıbın 1 ve gömlek 1 ve kavuk 1 70 akçe Köhne diz çakşırı 1 23 akçe Köhne kavuk 10 akçe Sâde 2 140 akçe Kırmızı hilâlî? kaftan 323 akçe Londra ferâce 480 akçe Bakraç 146 akçe Cem‘an yekûn 20015 Yalnız yirmi bin on beş akçedir. Minhâ’l-ihrâcât Techîz ve tekfîn 600 akçe Resm-i kısmet 1000 akçe Resm-i tevliyyet 2000 akçe Kalemiyye ve huddâmiyye 200 akçe İhzâriyye 27 akçe Deyn-i müsbet li zevceti’l-mezbûre 12000 akçe Mehr-i müsbet 3000 akçe Dellâliyye 201 akçe Hammâliyye 16 akçe Def‘a deyn-i müsbet 600 akçe Yekûn: 19544 Yalnız on dokuz bin beş yüz kırk akçedir Sahhe’l-bâkī: 471 Dört yüz yetmiş bir akçedir. Hisse-i zevce 92 akçe Der yed-i emîn-i beytülmâl 276 akçe