Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 559 Hüküm no: 702 Orijinal metin no: [108a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayastefanos köyü ahalisinden avarızhane mükellefi olarak çift sürmeye imkânı olanların isimleri Defter oldur ki Havâss-ı Aliyye kazâsına tâbi‘ Ayastefanos nâm karye ahâlîsinin taraf-ı Saltanat-ı aliyye’den üzerlerine beher sene hâne-i bedel-i avârızları mukābelesinde edâsı lâzım mîrî hâslar ekip ve mîrî tarlaları kendileri nadas edip bir saban çiftleri ile nadas ve zirâ‘at ettiklerinden sonra İskender Çelebi bahçesinin ve Davudpaşa bahçesinin derklerine otluk sarmak üzre sâhib-i aslîsi olan Üveys yedinde emr-i şerîf olmağla karye-i mezbûre re‘âyâsının ba‘zıları hizmet-i mezbûreyi edâdan imtinâ‘ ve nizâ‘ ve te‘allül etmeleriyle beylik tarlaların üzerlerine bir kâtib irsâl olunup ber mûceb-i emr-i âlî mevcûd re‘âyânın hisseleri tahrîr oluna deyû buyruldu-yı şerîf vârid olmağın imtisâlen-leh fermân-ı âlî küttâb-ı mahkemeden mevlânâ Seyfullah Efendi irsâl olunup ol dahi Topçular nâm karyede vâki‘ beylik tarlaların üzerine varıp çifte kādir ve mevcûd olan çiftleri ale’l-esâmî tahrîr eylediğini beyân eder defterdir. Fi’l-yevmi’s-sâlis aşer min Şa‘bân sene sitte ve semânîn ve elf. Ramendi ve Manol veledey Aslan 1 çift Panofla v. Paskal 1 çift Mihal v. Kosta Yalnız öküz 1 Rali ve Yanaki veledey İdinor Öküz 1,5 aded Aleksandri v. Yanaki Öküz 1 aded Palaş v. Dimitri şerîki ile ma‘an Öküz 1,5 Dimitri ve Kostantin veledey Manol 1 çift Diğer Ramendi ve Luka veledey Yani Öküz 1 aded Kostanti zevcesi Kalorfe Öküz 1,5 aded Petro ve Dimitri veledey Kiryazi 1 aded İstefani Öküz 1,5 aded İskender Öküz 1 aded Soğanlı karyesinden Toton karındaşlarıyla 1 çift Kostantin v. Yorgaki Öküz 1 aded Yekûn: Dokuz çift ve bir öküzdür.