Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 567 Hüküm no: 720 Orijinal metin no: [109b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rukiye Sultan’a ait Saruhan ve Tire’de bulunan çiftliklerdeki yolsuzluk iddiaları için gereğinin yapılması için buyruldu Hâslar kadısı fazîletlü efendi hazretleri, ehl-i hibre ma‘rifetiyle şer‘le görüp huzûrumuza arz edesiz deyû buyruldu. Saruhan ve Tire sancaklarında vâki‘ emâneten çiftliklerim kethüdâsı olup çobanlarım ile yek-dil olup çiftliğimde olan sekiz bin üç yüz koyunum ile bin dört yüz camusdan sekiz seneden beri beher sene şu kadar mahsûl oldu deyû nısfından noksan mahsûl verip bana küllî gadr eylemişlerdir sa‘âdetlü pâdişâh-ı zîşân hazretlerinden ricâ ederim ki ehl-i hibre mîrî hâs koyun ustası Mustafa Usta ve koyun kethüdâsı ve yiğitbaşıları ve başeskileri ma‘rifetiyle izzetlü Eyüb mollası huzûrunda çobanlarım ve çiftlik kethüdâsı yüzlerine hâsıl olan mahsûl tahmîn ve defter olunup defterleri ile ma‘an huzûrunuzda mürâfa‘a olunup icrâ-yı hak olunmak bâbında buyruldu-yı şerîf ricâ olunur. Rukiye Sultan