Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 567 Hüküm no: 721 Orijinal metin no: [109b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Eyüp kazasına ait bazı vergi gelirlerinin Yusuf Bey’in iltizamına verilmesiyle ilgili temessük Vech-i tahrîr-i hurûf oldur ki Hazret-i Ebâ Eyyûb-i Ensârî -aleyhi rahmetü’l-Bârî- hazretlerinin evkāf-ı şerîfeleri akārâtından olup medîne-i mezbûrenin ihtisâbı ve resm-i kantâriyyesi ve bâc-ı pazarı ve ihtisâba müte‘allik cüz’î ve küllî mahsûlâtı vakfa hâsıl kayd olmağın işbu bin doksan bir Martı ibtidâsından sene-i kâmile tamâmına değin işbu hâfızü’l-hurûf Yusuf Bey nâm kimesne senevî kırk altı bin olmak üzre der-uhde ve tefvîz olunup mezbûr dahi ta‘ahhüd ve iltizâmı kabûl edip meblağ-ı mezbûrdan cânib-i vakf-ı şerîf için bi hesâb-ı nakid on bir bin akçesin mezbûrun yedinden ahz ve kabz edip ve bâkī otuz beş bin iki yüz akçesin dahi beher mâh iki bin dokuz yüz otuz üçer akçe sâlyâne-i mu‘ayyenesin edâ eylemek üzre tevliyyetim hasebiyle bu temessük tahrîr olundu. [Fî sene] 1091.