Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 572 Hüküm no: 730 Orijinal metin no: [110b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yahudi ve Hıristiyanların müslüman cariye bulundurmalarıyla ilgili hüküm Hâslar kadısı fazîletlü efendi hazretleri, taht-ı kazânızda sâkin olan Yahud ve Nasârâ’dan ba‘zıları şeref-i İslâm ile müşerrefe olmuş câriyeler iştirâ edip ba‘zı san‘atı ta‘lîm eyledikden sonra müslümana bey‘ eder bahânesiyle kendilerine istihdâm edip bu husûsa mesâğ-ı şer‘î olmamağla kemâl-i tenbîh ve te’kîd ile men‘ olunmak lâzım olmuşdur imdi taht-ı kazânızda kemâ yenbağī tenbîh edip Yahud ve Nasârâ’dan bir ferdin evinde müslime câriye olması istimâ‘ olunmamağa dikkat ve ihtimâm eyleyesiz ba‘de’t-tenbîh mütenebbih olmayanları huzûrumuza arz edip bu bâbda tekâsül olunmağla siz mu‘âteb olmakdan ihtirâz eyleyesiz. 13 Ra [Rebî‘ülevvel] sene [10]91.