Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 393 Hüküm no: 457 Orijinal metin no: [62b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha bt. Abdülkādir Efendi’nin, İsak v. Avram’daki alacağını tahsil ettiği Mahmiye-i İstanbul’da Hobyar mahallesi sâkinelerinden Sâliha bt. Abdülkādir Efendi zâtını ma‘rifet-i şer‘iyye ile ârifân Mustafa Ağa b. Hasan ve İsmail b. Abdullah ta‘rîfleriyle mu‘arrefe oldukdan sonra meclis-i şer‘-i şerîfde ( ) cemâ‘atinden İsak v. Avraham nâm Yahudi tarafından husûs-ı âti’l-beyâna vekîl olduğu Receb Bey b. Hacı Mehmed ve Mustafa b. İsa nâm kimesneler şehâdetleriyle şer‘an [vekâleti] sâbit olan Mehmed Çavuş b. Abdullah mahzarında ikrâr ve takrîr-i kelâm edip müvekkil-i mezbûr Avraham zimmetinde beynimizde ma‘lûm şişehânenin on altı aylık ücretinden hakkım olan altmış bin akçeyi tamâmen ve yedimden müşterâ ve makbûz beynimizde ma‘lûm natrun semeninden hakkım olan yedi yüz elli üç esedî guruşu tamâmen ve sermâye edilmek için mukaddemâ mezbûr İsak’a def‘ ve teslîm ettiğim yüz yirmi bin akçenin yüz beş bini mezbûr İsak ile vekîli yedinden ahz u kabz edip bâkī on beş bin akçesinden mezbûr İsak’ın zimmetini ibrâ-i âmm-ı kātı‘ü’n-nizâ‘ ile ibrâ eyledim min ba‘d düyûn-ı mezbûreden zimmetinde bir akçe ve bir habbe hakkım kalmayıp ve mezbûr İsak’ın düyûn-ı mezbûresine kefîlleri olan zevcesi Camile ve oğlu Yako ve vekîl-i mezbûr Mehmed Çavuş zimmetleri düyûn-ı mezbûreden berî olmuşdur dedikde, gıbbe’t-tasdîk mâ vaka‘a bi’t-taleb ketb olundu. Fi’l-yevmi’t-tâsi‘ aşer min Recebi’l-ferd li sene seb‘a ve seb‘în ve elf. Şuhûdü’l-hâl: Umdetü’l-eşbâh Veli Çavuş b. ( ) Kethüdâ-yı çavûşân, Hacı Rıdvan b. Abdullah, Hacı Hüseyin b. Hamza, Süleyman b. Hasan, Hasan Beşe b. Abdullah Çukadâr, İbrahim Çelebi b. Ahmed.