Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 37 Hüküm no: 1 Orijinal metin no: [1a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vildan Hatun’un terekesinden vârislerin hisselerini aldıkları Sahh Eyüb olmağla Eyüb askerî kassâmı efendi şer‘le göre deyu buyuruldu Devletlü sa‘âdetlü sultânım hazretleri sağ olsun Hazret-i Eyyüb Ensârî sâkinelerinden utekālarımızdan Vildan nâm Hatun müteveffiye olup gıbbe’ş-şer‘ metrûkâtı tarafımıza âid olmağla ahz murâd olundukda zevci Mehmed nâm kimesne şirrete sülûk edip hakkımızı vermede ta‘allül ve inâd üzere olup gadr murâd etmekle merâhim-i aliyyelerinden mercûdur ki Eyüb kassâmı efendi huzûrunda terâfu‘-ı şer‘ ve ihkāk-ı hak olunup huzûr-ı âlîlerine i‘lâm olunmak bâbında fermân-ı şerîfleri ricâ olunur bâkī fermân sultânımındır. Bende Hasan Takyecibaşı mahallesinde sâkine iken vefât eden Sakine bt. Abdullah’ın …? fermân ile …? olunup islâm olduğu …? kaydolundu. Ma‘rûz-ı dâ‘îleridir ki Sāhib-i arzuhâl Hasan Bey müteveffât-ı mezbûrenin terekesine vâzı‘u’l-yed olan zevci Mehmed’in menziline varıp mübâşir-i merkūm İbrahim Çavuş kullarıyla ma‘an tahrîr olunup ba‘de’l-müzâyede fürûht olunan terekesinin semeni on bin iki yüz akçeye bâliğ olup alâ-mâ faraza’llâhu te‘âlâ beyne’l-verese taksîm ve tevzî‘ ve her biri âharın zimmetini ibrâ-i âm ve iskāt-ı kātı‘u’n-nizâ‘ eyledikleri huzûr-ı âlîlerine i‘lâm olundu bâkī fermân men lehü’l-emrindir. 20 Fî 1 L sene 1129