Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 38 Hüküm no: 3 Orijinal metin no: [1a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma’nın nafakasına zam yapılması talebi Derûn-ı hüccetde mastûretü’l-ism olan sagīre-i mezbûre Fâtıma’nın nafaka-i mefrûzası on sekiz akçe kifâyet etmeyip mâl-ı müntakilesinin dahi vüs‘ati olduğu zeyl-i kitâbda muharrerü’l-esâmî Müslimîn haberleriyle [led]eş-şer‘i’l-enver zâhir ve mukarrer olmağla sagīre-i mezbûrenin vâlidesi mezbûre Hadice Hatun taleb ile kıbel-i şer‘den beşer akçe zam olunup meblağ-ı mefrûz-ı mezbûru sagīre-i mezbûre Fâtıma’nın nafaka ve kisve bahâsına harca ve sarfa ve lede’l-iktizâ istidâneye vâlidesi mezbûre Hadice Hatun’a izin birle mâ-vaka‘a bi’t-taleb ketbolundu. Fi’l-yevmi’s-sânî aşer min-Şevvâli’l-mükerrem li-sene tis‘a ve ışrîn ve mi’e ve elf Şuhûdü’l-hâl: Es-Seyyid Mehmed Ağa, Ali Çelebi b. Mehmed, Mustafa b. Hüseyin, es-Seyyid Mustafa b. Sefer, Ali Çelebi b. Abdulbâki, (…) b. Abdullah.