Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 61 Hüküm no: 29 Orijinal metin no: [8b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tersâne-i âmire kâtibi Osman oğlu Ali Efendi’nin kızına vasi tayini Medîne-i hazret-i Ebâ Eyyüb el-Ensârî -aleyhi rahmetü Rabbihi’l-Bârî- mahallâtından Takyecibaşı mahallesinde sâkin iken bundan akdem vefât eden Tersâne-i âmire mahzen kâtibi Ali Efendi b. Osman’ın sagīre kızı Hanife’nin vakt-i rüşd-i sedâdına değin tesviye-i umûruna kıbel-i şer‘den bir vasî nasbı lâzım ve mühim olmağın emânet ile ma‘rûfe ve diyânet ile mevsûfe her vechile vesâyet uhdesinden gelmeğe kādire idiği zeyl-i kitâbda muharrerü’l-esâmî Müslimîn haberleriyle lede’ş-şer‘i’l-enver zâhir ve mukarrer olan sagīre-i mezbûrenin vâlidesi işbu râfi‘atü’l-kitâb Havva Hatun bt. El-Hâc Osman hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri dahi sagīre-i mezbûrenin vakt-i rüşd-i sedâdına değin tesviye-i umûruna vasî nasb ve ta‘yîn buyurduklarında ol dahi vesâyet-i mezbûreyi kabûl ve merâsimini edâya ta‘ahhüd ve iltizâm etmeğin mâ-vaka‘a bi’t-taleb ketbolundu. Fi’l-yevmi’s-sâlis min-Zilka‘deti’ş-şerîfe li-sene tis‘a ve ışrîn ve mi’e ve elf Şuhûdü’l-hâl: Mehmed Efendi b. Yusuf imâm, Süleyman Efendi b. Mehmed, Veli Efendi b. Ali, Ali Çelebi b. Veli, Mustafa Çelebi b. Hasan, es-Seyyid Ahmed Çelebi b. Hüseyin, Süleyman Çelebi b. Mehmed.