Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 84 Hüküm no: 49 Orijinal metin no: [17a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan oğlu Mehmed Çelebi’nin terekesi ve taksimi Medîne-i hazret-i Ebâ Eyyüb Ensârî -radıye anhu Rabbühü’l-Bârî-’de Cezerî Kasımpaşa mahallesinde sâkin iken bundan akdem vefât eden Mehmed Çelebi b. Hasan nâm kimesnenin verâseti zevce-i menkûhası Âişe bt. Hasan nâm hatun ile vâlidesi Emine bt. Abdullah nâm hatun ve sulbî sagīr oğlu Hasan’a münhasıra olduğu şer‘an zâhir ve mütehakkık olundukdan sonra sagīr-i mezbûrun kıbel-i şer‘den bâ-hüccet-i şer‘iyye vasiyy-i muhtârı olan Mehmed Ağa b. Mehmed nâm kimesnenin ve müteveffâ-yı mezbûrun vâlidesi Emine ve zevce-i menkûhası Âişe nâm hâtunların taleb ve ma‘rifetleriyle tahrîr olunan tereke-i müteveffâ-yı mezbûrdur ki ber-vech-i âtî zikrolunur. Fi’l-yevmi’s-sâlis min-Zilhicceti’ş-şerîfe li-sene tis‘a ve ışrîn ve mi’e ve elf. Minder 1 240 akçe Minder 1 250 akçe Boylu tüfenk 1 60 akçe Kara kılıç 1 120 akçe Hilâlî-yi cülâbî 1 170 akçe Beyaz sâde 1 60 akçe Köhne alaca anteri 1 63 akçe Kırmızı çuka yemeni 1 120 akçe Boylu tüfenk 1 2060 akçe Köhne çuka yemeni 1 150 akçe Çakşır 1 320 akçe Çakşır 1 320 akçe Köhne çuka ferâce 1 120 akçe Yeşil kavkan kaplı köhne Çalkafa kürk 500 akçe Destâr 1 100 akçe Kavuk 2 40 akçe Sarâc kuşağı 1 20 akçe Köhne orta keçesi 1 70 akçe Camadan 1 20 akçe Yemeni yasdık 4 300 akçe Köhne çuka yasdık 2 90 akçe Yalnız eğer 1 35 akçe Köhne kebe 1 20 akçe Yan kebesi 1 80 akçe Def‘a yan kebesi 1 80 akçe Pirinç sâ‘at 720 akçe Piştahta 1 36 akçe Piştahta 2 80 akçe Taba 1 50 akçe Tencere 1 126 akçe Sahan ma‘a kapak 2 180 akçe Tepsi 1 140 akçe Sagīr lengeri 4 80 akçe Vasat lengeri 1 80 akçe Kuzu lengeri 1 160 akçe Def‘a lengeri 1 160 akçe Cem‘an yekûn 8075 akçe Minhâ Techîz ve tekfîn 2000 akçe Resm-i âdî 200 akçe Dellâliye 200 akçe Kalemiyye 75 akçe Çukadâriye 40 akçe Muhzıriyye 40 akçe Kaydiyye 30 akçe Deyn-i müsbet-i Ali Ağa Şehâdet-i İbrahim Efendi ve Hasan Çelebi 900 akçe Deyn-i müsbet-i es-Seyyid Halil Şehâdet-i mezbûrân 640 akçe Deyn-i müsbet-i Hasan Ağa Şehâdet-i mezbûrân 1080 akçe Deyn-i müsbet Gayire vâlidesine Şehâdet-i mezbûrân 120 akçe Deyn-i müsbet Balzerin’e Şehâdet-i mezbûrân 840 akçe Deyn-i müsbet Mumcu kefereye Şehâdet-i mezbûrân 720 akçe Deyn-i müsbet diğer Mumcu kefereye Şehâdet-i mezbûrân 280 akçe Deyn-i müsbet Gülâbcı’ya li-zâlik 919 akçe Deyn-i müsbet Şakir Abdi Çelebi’ye Şehâdet-i mezbûrân 321 akçe Cem‘an yekûn 8075 akçe