Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 112 Hüküm no: 71 Orijinal metin no: [26a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dimitri oğlu Yorgo ile zevcesi Yorgaki kızı Arakile’nin terekeleri ve taksimi Havâss-ı Refî‘a kazâsına tâbi‘ su yolcu karyelerinden Küçükköy’de mütemekkin iken bundan akdem hâlik olan Yorgo v. Dimitri’nin verâseti zevce-i metrûkesi Arakile bt. Yorgaki nâm Nasrâniyye ile sulbiye sagīre kızı Lanberin’e münhasıra olup kable’l-kısme mezbûre Arakile dahi hâlik olup verâseti zevc-i metrûke gāib ani’l-belde Dimitri v. ( ) ile sadriye sagīre kızı Lanberin’e münhasıra ve tashîh-i mes’elesi alâ-tarîkı’l-münâsahati’ş-şer‘iyye altmış dört sehimden olup sihâm-ı mezbûrdan sekiz sehmi zevc-i gāib-i mezbûr Dimitri’ye ve elli altı sehmi kızı sagīre-i mezbûre Lanberin’e isâbeti tahkīkından sonra mezbûrenin tesviye-i umûruna ve gāib-i mezbûrun hisse-i mevkūfesini ahz u kabz ve hıfz u zabta kıbel-i şer‘den vasî ve kayyım nasb olan sagīre-i mezbûrenin vasîsi Nikola v. Afekli nâm zimmî taleb ve ma‘rifetiyle tahrîr ve takvîm olan tereke-i hâlik-i mezbûrdur ki ber-vech-i âtî zikrolunur. Fi’l-yevmi’l-hâmis ve’l-ışrîn min-Şevvâli’l-mükerrem li-sene tis‘a ve ışrîn ve mi’e ve elf. Minder 3 300 akçe Def‘a minder 2 150 akçe Köhne döşek 1 200 akçe Sagīr minder 2 100 akçe Beyaz seccâde 1 70 akçe Köhne kebe parçası 1 20 akçe Köhne yan keçesi 2 100 akçe Kırmızı velence 1 80 akçe Köhne yorgan 2 200 akçe Alaca çârşeb 1 50 akçe Sagīr yüz yasdığı 2 30 akçe Havlu döşeme 1 20 akçe Köhne yüz yasdığı 6 120 akçe İş makraması 3 30 akçe Dokuma uçkur 1 20 akçe Sagīr kapı perdesi 1 10 akçe Köhne peştemâl 1 20 akçe Sagīr yasdık yüzü 1 40 akçe Köhne yorgan yüzü 1 50 akçe Sagīr kantâr 1 30 akçe Demir çengel 1 20 akçe Kantarma 1 20 akçe Bakır kuşak 1 20 akçe Kurşun kamkama 1 20 akçe Cedîd kuskun 1 30 akçe Buklaca 3 60 akçe Ağaç yatak 3 60 akçe Kasab satırı 1 20 akçe İskemle 1 10 akçe Havan 1 10 akçe Köhne kürk 1 50 akçe Beyaz torba 1 10 akçe Kebîr sini 1 400 akçe Bukağı 3 100 akçe Demir sac ayağı 2 30 akçe Sagīr balta 2 30 akçe Ağaç maşraba 1 10 akçe Ocak demiri 1 10 akçe Demir kandîl 2 20 akçe Sagīr kilid 1 30 akçe Mikrâs 1 10 akçe Demir şiş 1 20 akçe Lengeri 4 40 akçe Leğen kafesi 1 50 akçe Kurşun lengeri 1 10 akçe Elmas kadeh? 3 30 akçe Sagīr şam‘dân 1 25 akçe Tezgâh 1 80 akçe Sagīr tas 1 30 akçe Çul heğbe 5 120 akçe Koyun makraması 4 45 akçe Burgu 3 20 akçe Orak 1 15 akçe [26b] Def‘a balta 10 20 akçe Kazma ma‘a dikel 13 100 akç Kutu 3 50 akçe Fuçı 3 300 akçe Tekne 2 50 akçe Köhne mısır hasırı 1 60 akçe Menzil karye-i mezbûr[d]a 6000 akçe Bağ karye-i mezbûr[d]a 2200 akçe Cem‘an yekûn 1365[0] akçe Minhe’l-ihrâcât 1155 akçe Hâlık-ı mezbûrun lâşesini ilkā-i hafrı içün masraf 500 akçe Resm-i âdî 245 akçe Kalemiyye 80 akçe Hüddâmiye ve kaydiyye 60 akçe İhzâriye 50 akçe Ücret-i bargir 120 akçe Düyûn-ı müteferrika 100 akçe Sahhu’l-bâkī li’t-taksim-i beyne’l-verese 10710 [akçe] Hissetü’l gāibi’l-mezbûr 1336 akçe Hissetü’l-binti’l-mezbûr 9352 akçe Bâkī kesir 19 akçe