Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 149 Hüküm no: 105 Orijinal metin no: [37a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed kızı Emine Hatun’dan kalan meblağın vârislerine taksimi Medîne-i hazret-i Ebâ Eyyüb el-Ensârî -aleyhi rahmetü Rabbihi’l-Bârî- mahallâtından Evlice Baba mahallesinde sâkine iken bundan akdem vefât eden Emine Hatun bt. Mehmed’in verâseti zevc-i metrûku Mehmed Ağa b. el-Hâc İbrahim ile babası mezbûr Mehmed b. Mustafa’ya ve vâlidesi Havva Hatun bt. Abdullah ve sadriye kebîre kızı Emetullah Hatun ve sadrî sagīr oğulları İbrahim ve Ahmed’e münhasıra olduğu şer‘an zâhir ve müte‘ayyin oldukdan sonra sagīrân-ı mezbûrânın babaları ve tesviye-i emrlerine kıbel-i şer‘den mansûb vasîleri olan mezbûr Mehmed Ağa ve babası merkūm Mehmed ile mezbûretân Havva ve Emetullah hâtunlar taleb ve ma‘rifetleriyle tahrîr olunan meblağdır ki ber-vech-i âtî zikrolunur. Fi’l-yevmi’r-râbi‘ ve’l-ışrîn min-Rebî‘i’l-evvel li-sene selâsîn ve mi’e ve elf. Müteveffât-ı mezbûrenin zevci zimmetinde eşyâ semeninden olan 6000 akçe Müteveffât-ı mezbûrenin zevci zimmetinde olan mehr-i müeccel 10.000 akçe Cem‘an 16.000 akçe Li’t-taksîm beyne’l-verese Hissetü’z-zevci’l-mezbûr 4000 akçe Hissetü’l-ebi’l-mezbûr 2666 akçe Hissetü’l-ümmi’l-mezbûr 2666 akçe Hissetü’l-ibni’l-mezbûr 2666 akçe Hissetü’l-ibni’l-mezbûr 2666 akçe Hissetü’l-binti’l-mezbûr 1333 akçe Müteveffât-ı mezbûrenin zevci merkūm Mehmed Ağa’nın hissesine isâbet eden dört bin akçeyi sagīrân-ı mezbûrân İbrahim ve Ahmed’e hibe edip yine meblağ-ı mezbûru velâyeten kabz eylediği bu mahalle şerh verildi.