Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 167 Hüküm no: 120 Orijinal metin no: [42a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Veli kızı Havva Hatun’un terekesinden olan menzilinin kızları üzerine devri Husûs-ı âti’l-beyânın mahallinde ketb ü tahrîri iltimâs olunmağın bu fakîr Havâss-ı Refî‘a kazâsı muzâfâtından Çekmece-i Kebîr nâhiyesine tâbi‘Kalikaritya [nâm] karyede sâkin İsmail Ağa b. İbrahim’in menziline varıp zeyl-i vesîkada muharrerü’l-esâmî Müslimîn huzûrlarında akd-i meclis-i şer‘-i nebevî ettikde karye-i mezbûrede sâkin iken bundan akdem vefât eden Havva Hatun bt. Veli’nin verâseti sadrî kebîr oğlu İbrahim Beşe b. Mehmed ile sadriye kebîre kızları Fâtıma ve Ümmühâni bt mezbûr Mehmed hâtunlara münha[sı]ra ve tashîh-i mes’elesi dört sehimden olup sihâm-ı mezbûreden iki sehmi mezbûr İbrahim Beşe’ye ve birer sehmi mezbûretân Fâtıma ve Ümmühâni hâtunlara isâbeti tahkīkinden sonra mezbûr İbrahim Beşe meclis-i ma‘kūd-ı mezkûrda mezbûretân Fâtıma ve Ümmühani hatunlar tarafından tasdîka vekîl olduğu zât-ı mezbûretân bi’l-ma‘rifeti’ş-şer‘iyye ârifân İsmail Beşe b. Mehmed ve İbrahim Beşe b. Hasan şehâdetleriyle sâbit ve sübût-ı vekâlete hükm-i şer‘î lâhık olan Mustafa Efendi b. Abdullah mahzarında ikrâr-ı tâm ve takrîr-i kelâm edip ve yedimde mülk ve hakkım olup karye-i mezbûrede vâki‘ bir tarafdan leb-i deryâ ve etrâf-ı selâsesi tarîk-ı âm ile mahdûd ve kule ta‘bîr olur bir bâb fevkānî oda ve bir bâb tahtânî oda ve bir kenîf ve iki ahûr ve bir sagīr oda ve bir mikdâr havluyu muhtevî mülk menzili müvekkiletân-ı mezbûretânın vâlideleri müteveffât-ı mezbûre Havva Hatun’da n hisselerine isâbet eden iki sehm hisse-i şer‘iyyeleri mukābelesinde mezbûr İbrahim Beşe takās eyledikde ben dahi bi’l-vekâle mukāsa ve kabûl ve kabz edip ba‘de’l-yevm menzil-i mahdûd-ı mezkûr müvekkiletân-ı mezbûretânın mülk-i mukāsaları olmuşdur Keyfemâ-yeşâ ve tahtârân mutasarrıfe olsunlar dedikde gıbbe’t-tasdîki’ş-şer‘î mâ-vaka‘a bi’t-taleb ketbolundu. Fi’l-yevmi’s-sânî min-Rebî‘i’l-âhir li-sene selâsîn ve mi’e ve elf. Şuhûdü’l-hâl: Es-sâbıkūn.