Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 231 Hüküm no: 184 Orijinal metin no: [64b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Murad oğlu Mehmed Efendi’nin kızına ait vasisi tarafından yapılan masraf muhasebesi Medîne-i hazret-i Ebâ Eyyüb el-Ensârî -aleyhi rahmetü Rabbihi’l-Bârî- mahallâtından Defterdar Kara Süleyman mahallesinde sâkin iken bundan akdem vefât eden Mehmed Efendi b. Murad’ın sulbiye sagīre kızı Fâtıma’nın tesviye-i umûruna bâ-hüccet-i şer‘iyye vasiyy-i muhtârı olan Mehmed Çelebi b. Hızır’ın bin yüz yirmi dokuz senesi Rebî‘ülevveli’nin ikinci gününden bin yüz otuz senesi Zilhicceti’ş-şerîfe gurresine gelince yirmi bir ayda vasiyy-i mezbûrun nâzır es-Seyyid Mehmed Çelebi ma‘rifetiyle makbûz-ı masrûfu olan muhâsebesi defteridir ki ber-vech-i âtî zikrolunur. Fi’l-yevmi’s-sânî min-Zilhicceti’ş-şerîfe li-sene selasîn ve mi’e ve elf. Sagīre-i mezbûrenin babası müteveffâ-yı mezbûrdan müntakil mâlından vasiyy-i mezbûrun ber-mûceb-i defter kabz eylediği 45874 akçe Sagīre-i mezbûrenin vâlidesinden müntakil mâlından vasiyy-i mezbûrun ber-mûceb-i defter-i kassâm kabz eylediği 7234 akçe Vasiyy-i mezbûrun mürâbahadan ve dükkân icâresinden kabz eylediği 5160 akçe Cem‘ân yekûn 58268 akçe Minhe’l- masârıf Yirmi bir ayda sagīre-i mezbûrenin bâ-hüccet-i şer‘iyye nafaka-i mefrûzasına masrûf 5040 akçe Sagīre-i mezbûre ile ve hâdinesine hîn-i şitâda kapanlarına ve baş yemenisine masrûf 676 akçe Sagīre-i mezbûrenin dükkân ta‘mîrine masrûf 117 akçe İmâretden alınan ekmek masrûf 720 akçe Sagīre-i mezbûre için alınan resm-i kuşak ma‘a kolan masrûf 635 akçe Sagīre-i mezbûre için iktizâ eden dört aded hüccet masrûf 580 akçe Sagīre-i mezbûrenin vâlidesi vefât ettikde süd anasına verilen masrûf 200 akçe Harc-ı defter-i muhâsebe 240 akçe Kâtibiyye ve Hüddâmiye 180 akçe Cem‘ân______yekûn 8488 akçe Sahhu’l-bâkī mine’l-vasiyyi’l-mezbûr 49780 akçe Vasiyy-i mezbûr Mehmed Çelebi zimmetinde bâkī kalan yalnız kırk dokuz bin yedi yüz seksen akçe olduğu bu mahalle şerh verildi.