Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 408 Hüküm no: 479 Orijinal metin no: [65a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kavukçu esnafına kethüda ve yiğitbaşı tayini Mahmiye-i İstanbul’da olan kavukçu tâifesinin ihtiyârlarından Ali Çelebi b. Mehmed ve Hacı Yusuf b. Abdullah ve es-Seyyid Halil b. es-Seyyid Hasan ve üstâd Mustafa b. Hasan ve el-Hâc Abdi Bey b. Mehmed ve Hacı İbrahim b. Hacı Hasan ve Mustafa Beşe b. Kenan ve Receb Bey b. Mustafa ve Şaban Bey b. Mustafa ve Mustafa Çelebi b. Yusuf nâm kimesnelerden her biri meclis-i şer‘de takrîr-i kelâm ve ta‘bîr ani’l-merâm edip hırfetimiz ahâlîsinin kethüdâ ve yiğitbaşısı olmamağla ihtiyârlarımızdan olan hâzır bi’l-meclis Mustafa Beşe b. Mehmed nâm kimesneyi kethüdâ ve işbu hâzır bi’l-meclis Mehmed b. Mustafa nâm kimesneyi yiğitbaşı nasb ve ta‘yîn edip anlar dahi kabûl etmişlerdir taraf-ı şer‘den dahi yedlerine hüccet verilmek matlûbumuzdur dediklerinde hırfet-i mezbûreye merkūm Mustafa Beşe b. Mehmed Kethüdâ ve merkūm Mehmed b. Mustafa yiğitbaşı olmak üzre mâ vaka‘a bi’t-taleb ketb olundu. Fi’l-yevmi’s-sânî ve’l-ışrîn min Recebi’l-ferd li sene seb‘a ve seb‘în ve elf. Şuhûdü’l-hâl: Es-Sâbikūn.