Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 408 Hüküm no: 478 Orijinal metin no: [65a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kavukçulara meşruta para vakfına mütevelli ve câbî tayini Gallesi mahmiye-i İstanbul’da bezzâzistân kurbunda Kavukçular sûkunda olan kavukçu tâifesinin ordu ve sâir levâzımları için meşrûta vakf-ı nukūdun mütevellîsi ve câbîsi olmamağla tâife-i mezbûrenin kethüdâları ve muhtârları olan hâzır bi’l-meclis Mustafa Beşe b. Mehmed nâm kimesne vakf-ı mezbûr hasbî mütevellî ve yiğitbaşıları Mehmed b. Mustafa nâm kimesne hasbî câbî ve hâzırûn bi’l-meclis tâife-i mezbûrenin ihtiyârlarından olup zeyl-i kitâbda muharrerü’l-esâmî olanlar dahi hasbî nâzır nasb ve ta‘yîn olunduklarında anlar dahi kabûl ve her biri kendiye lâzım olan hizmetini edâya ta‘ahhüd için mâ vaka‘a bi’t-taleb ketb olundu. Fi’l-yevmi’s-sânî ve’l-ışrîn min Recebi’l-ferd li sene seb‘a ve seb‘în ve elf. Şuhûdü’l-hâl: Ali Çelebi b. Mehmed, Hacı Yusuf b. Abdullah, es-Seyyid Halil b. es-Seyyid Hasan, el-Hâc Abdi b. Mehmed, Mustafa b. Mehmed, Hasan b. Ahmed.