Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 48 Hüküm no: 9 Orijinal metin no: [3b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Osman’ın küçük kızı Emine’ye vasî tayini Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Kiremidci Süleyman mahallesinde sâkine iken bundan akdem vefât eden Fâtıma bt. Osman’ın sadriye sagīre kızı Emine’nin tesviye-i umûruna kıbel-i şer‘den bir vasî nasbı lâzım ve mühim olmağın sagīre-i mezbûrenin babası olup mahmûdü’l-hâl idüği zeyl-i kitâbda muharrerü’l-esâmî Müslimîn <> ihbârıyla lede’ş-şer‘i’l-enver zâhir ve mukarrer olan işbu râfi‘u’l-kitâb İsmail Ağa b. Mehmed’i hâkim-i muvakkı‘-ı sadr-ı kitâb -tûbâ lehû ve hüsnü-meâb- efendi hazretleri sagīre-i mezbûrenin tesviye-i umûruna vasî nasb ve ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımesin kemâ-yenbagī edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 11 Cumâdelâhire sene 1147. Şuhûdü’l-hâl: Mehmed Efendi b. Mustafa, Molla Mehmed b. Ahmed, el-Hâc Mustafa b. el-Hâc Mehmed, Ali Beşe b. Abdullah, Hüseyin Odabaşı b. Davud.