Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 51 Hüküm no: 12 Orijinal metin no: [4b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmühani Hatun bt. Musa’nın küçük oğlu Süleyman’a vasî tayini Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Kiremidci Süleyman mahallesinde sâkine iken bundan akdem vefât eden Ümmühani Hatun bt. Musa’nın sadrî sagīr oğlu Süleyman’ın tesviye-i umûruna kıbel-i şer‘den bir vasî nasbı lâzım ve mühim olmağın sagīr-i mezbûrun babası mahmûdü’l-hâl idüği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan işbu râfi‘u’l-kitâb Mustafa Bey b. Receb’i hâkim-i muvakkı‘-ı sadr-ı kitâb -tûbâ lehû ve hüsnü-meâb- efendi hazretleri sagīr-i mezbûrun tesviye-i umûruna vasî nasb ve ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımesin kemâ-yenbagī edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâbi‘-aşer min-Cumâdelâhire li-seneti seb‘a ve erba‘în ve miete ve elf. Şuhûdü’l-hâl: Hasan Efendi b. Ali, Ali Efendi b. Hasan, Feyzullah Çelebi b. Hasan, Süleyman Bey b. Mehmed, el-Hâc İsmail b. Mehmed, Ahmed Ağa b. Musa, el-Hâc Mehmed b. Hasan, Molla Mehmed b., ve gayruhum.